News - 5th February 2019
Tags:

#parkrunabú!

Irish_Runner_06

Tá Oireachtas na Gaeilge ag spreagadh cainteoirí Gaeilge le páirt a ghlacadh in imeachtaí #parkrunabú!  thart timpeall na tíre agus banda rosta ‘Tá Gaeilge agam’ a chaitheamh. Beidh an chéad cheann de na himeachtaí seo ag tarlú ar an Trá Mhór, Port Láirge Dé Sathairn 23 Feabhra, áit a dúirt Stiúrthóir an parkrun, Deidre Chapman, go dtabharfadh  a mac, Josh, dalta sa Ghaelcholáiste áitiúil , an treoir eolais i nGaeilge!

 

wristband

 

D’éirigh chomh maith sin leis na himeachtaí a eagraíodh anuraidh go bhfuil Oireachtas na Gaeilge ag dul i gcomhpháirt le parkrun arís i mbliana le sraith #parkrunabú! a reáchtáil. D’eascair #parkrunabú! as tionscnamh inar spreagadh reathaithe parkrun a raibh Gaeilge acu banda rosta le ‘Tá Gaeilge agam’ air a chaitheamh, ionas go bhféadfaidís cainteoirí eile Gaeilge a aithint agus labhairt leo le linn parkrun. Bhí an oiread sin éilimh ar na bandaí rosta seo gur thug an tOireachtas cuireadh do parkrun ócáidí á óstáil ina gcuirfí fáilte ar leith roimh Ghaeilgeoirí. Beidh naoi n-imeacht ann thart timpeall na tíre i 2019:

 

  • 23 Feabhra -  Trá Mhór, Port Láirge
  • 9 Márta – An Nás, Cill Dara
  • 23 Márta – Muineachán
  • 6 Aibreán – Páirc na dTor (Bushy Park), Baile Átha Cliath
  • 25 Bealtaine – Ceatharlach
  • 22 Meitheamh – Páirc na bhFál, Béal Feirste
  • 17 Lúnasa – Iorras, Co. Mhaigh Eo
  • 21 Meán Fómhair – Dún Dealgáin, Co. Lú
  • 2 Samhain – Páirc Chorcaí, Baile Átha Cliath

 

Aip Gaeilge – ‘Tolg go 5k’

Dóibh siúd nár ghlac páirt i parkrun cheana, tá aip forbartha ag an Oireachtas, ‘Tolg go 5k’. Abair le do chairde triail a bhaint as!

 

Buntáistí do parkrun

Tá buntáistí ag baint le himeachtaí #parkrunabú!  don parkrun áitiúil. Cuireann Lisa Kennedy, Stiúrthóir parkrun Cheatharlach síos ar an taithí a bhí aici leis anuraidh.

 

Bricfeasta  ag an Pop Up Gaeltacht sa Clink

 

‘Imeacht den scoth a bhí ann, tháinig an oiread sin daoine chomh fada liom ina dhiaidh ag rá cé chomh hiontach is a bhí sé! Ó thaobh parkrun de, ní bhaineann sé le líon na ndaoine amháin, baineann sé le bheith ag obair le pobal eile inár gceantar, baineann sé le fáilte a chur roimh ghrúpa níos leithne daoine chuig parkrun, daoine b’fhéidir nár smaoinigh riamh ar pháirt a ghlacadh i parkrun nó nár chuala fiú faoi. Rud difriúil a bhí ann dár fhoireann dheonach agus dár rannpháirtithe freisin!

 

D’eagrais Ghaeilge, tugann na hócáidí seo deis eile dóibh an Ghaeilge a chur chun cinn agus daoine nua a mhealladh chuig a gcuid gníomhaíochtaí. Téann #parkrunabú! chun tairbhe do gach duine! Le tuilleadh eolais a fháil, nó le banda rosta saor in aisce a fháil, seol r-phost chuig majella@antoireachtas.ie

Share this with friends:

52013940_2229443597103430_8291729343281889280_n

April Volunteer Update

Welcome to this month’s volunteer update. Here is some of the key information for the coming period:   Incidents Event Day Support Virtual Volunteer Survey Ambassador Recruitment Google Photos Guidance Strava     1. Incidents   In 2018, over 5,000 incidents were recorded across parkrun events in the UK and Ireland.   Every week we…

LordMayorAwards2019-130

parkrun Ireland win a Lord Mayor’s Award

Since 1989, the Lord Mayor of Dublin’s Awards has honoured individuals and groups who have made a special contribution to Dublin and its citizens. These Awards are Dublin city’s way of acknowledging and congratulating the extraordinary work they do.   The Lord Mayor’s Awards took place last week and we are delighted that parkrun Ireland was honoured with…